🐈 Krümels Welt 1
Aktualisiert: 26. Aug.
Des Bett g'hört uns!
Servus miteinand!
I bin da Krümel.
Und heid muaß i eich endlich amol erklären, wem des große Bett bei uns wirklich ghört.
Die Menschen san ja der Meinung, sie hätten's gekauft.
Naja ...
Lass ma sie des ruhig glauben. 😼
Sobald Fraule und Herrle aufg'standn san und d'Zimmer frei is, beginnt nämlich unser Programm.
I schau d'Conny o.
D'Conny schaut mi o.
Koana bewegt si.
No ned.
Des is wie bei an Western.
Wer zuerscht blinzelt, hot scho fast verloren.
Und dann ...
Zack!
I spring.
D'Conny springt aa.
Auf amoi geht's quer übers Bett.
Über d'Kissen.
Unter d'Decken.
Von links nach rechts.
Wieder zruck
.
I versuch, d'Conny zu erwischen.
Sie is aber ganz schön g'schickt.
Sie tuat erst so, als wär sie völlig entspannt.
Und genau in dem Moment hängt's ma plötzlich am Schwanz.
Frechheit!
Na wart ...
Des lass i ma doch ned g'falln!
Also no amoi hinterher.
Des Bett wackelt.
D'Kissen fliegen.
Und mia zwoa san mittendrin.
Wer jetzt glaubt, mia san bös aufeinander, der kennt Katzen schlecht.
Des is unser Spiel.
Unser Training.
Und vielleicht aa a bissl zum Austesten, wer heid schneller is.
Nach a paar Minuten is der ganze Spuk vorbei.
I bleib einfach mitten auf'm Bett sitzen.
D'Conny putzt seelenruhig ihr Fell.
Als wär überhaupt nix g'wesen.
Genau in dem Moment schaut jemand ums Eck.
Fraule schaut aufs Bett.
Herrle aa.
Beide schaun uns o.
Dann aufs Bett.
Dann wieder auf uns.
Fraule fragt grinsend:
„Habt's ihr zwoa scho wieder gerauft?“
Mir?
Niemals!
Mir san doch zwei ganz brave Katzen.
Des Bett war scho vorher so.
Ehrlich.
Fragt d'Conny.
Die bestätigt des bestimmt ...
... oder vielleicht aa ned. 😸
Euer Krümel 🐈⬛
🌿 Das könnte dich auch interessieren
Wenn aus wilden Raufereien plötzlich ein gemütliches gemeinsames Mittagsschläfchen wird.
Warum oft gerade die kleinen Alltagsmomente die schönsten Geschichten schreiben.
Wie aus dem kleinen schwarzen Kater auf unseren Bildern nach und nach genau der Krümel wurde, den wir heute kennen.
😺 !🐾 Krümel fragt:
„Raufen eure Katzen auch wie die Weltmeister – und fünf Minuten später tun’s, als wär nie was gewesen?“ 😹 🐈🐈⬛
Kommentare